Frétt – 5. mars 2026
Aðalfundur Veiðifélagsins Flóka verður haldinn 14. maí 2026 kl. 13:00 í félagsheimilinu Ketilás
Á fundinum verður farið yfir helstu mál félagsins, þar á meðal skýrslu stjórnar og ársreikning, auk umræðu um verkefni og áherslur í starfi félagsins á komandi ári.
Stjórn félagsins hvetur alla félagsmenn og landeigendur til að mæta á fundinn og taka þátt í umræðum um málefni árinnar og starfsemi félagsins. Virk þátttaka félagsmanna er mikilvæg til að tryggja góða samstöðu um stjórnun veiðinnar og þróun félagsins til framtíðar.
Dagskrá Aðalfundar
Dagskrá fundarins hefst í kjölfar kosningar á fundarstjóra og fundarritara og er eftirfarandi:
- Skýrsla stjórnar
- Ársreikningur fyrir 2025
- Tillaga stjórnar um greiðslu arðs
- Kosning stjórnar og varastjórnar
- Kosning skoðunarmanna reikninga
- Lagabreytingar
- Önnur mál
Vakin er athygli á að þar sem eigendur jarða eru fleiri en einn þurfa þeir að koma sér saman um einn fulltrúa svo atkvæði jarðarinnar falli ekki niður á fundinum.
Við hvetjum alla félagsmenn til að mæta og taka þátt í störfum félagsins.
