Veiðiskýrslur
Flókadalsá Flótum
Rafræn skráning
Á heimasíðu Hafs&Vatna er hægt að skrá afla rafrænt beint í veiðidagbók.
,,Með því að skrá veiðina og greina tegundir rétt leggja veiðimenn til mikilvægar upplýsingar og efla þannig þekkingu okkar á ánni og stuðla að sjálfbærri nýtingu á fikistofnum hennar.
Veiðifélagið þakkar öllum sem leggja sitt af mörkum til góðrar skráningar.”
Mikilvægi vandaðra veiðiskýrslna
Veiðifélagið Flóki hvetur alla veiðimenn til að fylla veiðiskýrslur vandlega og skýrt út. Nákvæmar skráningar eru afar mikilvægar fyrir utanumhald veiðinnar og gefa félaginu betri mynd af stöðu fiskistofna í ánni. Réttar upplýsingar um tegund, stærð og fjölda veiddra fiska hjálpa til við að meta þróun stofna og taka upplýstar ákvarðanir um vernd og nýtingu árinnar til framtíðar.
Til að auðvelda skráningu er gagnlegt að kunna helstu einkenni fisktegundanna sem veiðast í ánni.
Lax
Laxinn er yfirleitt stærri og straumlínulagaður fiskur með silfraða hliðar og fáar eða engar dökkar doppur neðan við hliðarlínuna. Sporðurinn er V-laga og blettir eru sjaldnast á neðri sporðblöðum.
Sjóbirtingur (sjógenginn urriði)
Sjóbirtingur hefur yfirleitt margar dökkar og rauðleitar doppur á hliðum, einnig neðan við hliðarlínuna. Sporðurinn er oftast meira doppóttur en hjá laxi og fiskurinn getur verið dekkri á baki.
Bleikja
Bleikjan er auðþekkjanleg á ljósum eða bleikum doppum á dökkari baklit. Kviðuggar og sporðuggar hafa oft hvítan framjaðar, sérstaklega á hrygningartíma. Liturinn getur verið breytilegur eftir árstíma.
Bleikja teiknuð upp eftir myndum af fski veiddum í Flókadalsá.
Samantekt veiðiskýrsla
Á heimasíðu Hafs & Vatna er einnig hægt að kalla eftir veiðiskýrslum undanfarinna ára. Hér er samantekt á skýrslum fyrir Flókadalsá – efra og neðra svæði.
Veiðiskýrsla 2024
